Merr artikujt e fundit me RSS

Merr artikujt e fundit me email

Kërko në faqe
Reklamo Këtu
Reklamo ketu Reklamo ketu Reklamo ketu

Nga më 3 Gjusht 2008 nën Gjinekologjia , 35,898 lexime 32 Komente
Postoje në Facebook

Përfundimi i shtatzanisë para javës së 20-të quhet dështim. Rreth 15 % e shtatzanive përfundojnë me dështim. Një pjesë e tyre ndodhin aq herët sa që një pjesë e grave as që e kuptojnë se po dështojnë. Pjesa më e madhe e dështimeve ndodh para javës së 12-të.

Shenjat janë:

Hemoragji vaginale
Dhimbje në formë therrjeje poshtë barkut
Dalje e ndonjë cope mishi prej vaginës
Sidomos hemoragjitë në trimestrin e parë (3 muajt e parë) janë tipike megjithëse me disa këshilla dhe rekomandime mund të shpëtojnë së dështuari.

Përse ndodhin dështimet?

Shkaku kryesor është moszhvillimi normal i fetusit. Kjo për arsye se struktura gjenetike e tij dëmtohet. Por kjo nuk do të thotë se i ka kaluar nga prindërit. Ka disa sëmundje të nënës si diabeti jo mirë I kontrolluar, sëmundjet e tiroideve, problemet me mitrën dhe serviksin që më rrallë bëhen shkak.
Aktivitete ditore, marrëdhëniet seksuale, jeta e punës apo ngritja e peshave nuk bëhen shkak për dështim. As të vjellat e forta. Gjithashtu edhe të rrëzuarit apo goditjet e ndryshme nuk para përfundojnë me dështime.

Cilët faktorë e rrisin mundësinë e dështimit?

Mosha: Mosha e nënës mbi 35 vjeç bile mendohet se dhe baballarët mbi 40 vjeç.

Të paturit më përpara dështim: Ato gra që kanë përjetuar më shumë se dy herë dështim.

Sëmundjet kronike të nënës: P.sh diabeti (sëmundja e sheqerit) dhe tiroidet.

Sëmundjet e mitrës dhe serviksit: Anomalitë anatomike të tyre.

Cigarja, alkoli

Kafeina: Në këtë drejtim nuk ka një informacion të saktë rreth sasisë prandaj mirë është që mos të konsumohet më shumë se 200mg.

Disa teste të veçanta gjatë shatazanisë: Amniocenteza

A mund ta parandalojmë?

Shumica nuk parandalohen. Qëndoni larg cigares apo alkolit. Shkoni rregullisht për kontroll tek mjeku. Nëse keni sëmundje kronike kujdesuni për to. Fokusohuni tek bebi juaj dhe tek vetja juaj.

Si vendoset diagnoza ?

Nëse keni hemoragji vaginale dhe nëse keni dhimbje poshtë barkut kontaktoni menjëherë me mjekun. Ai do t’ju bëjë një vizitë gjinekologjike dhe me anë të EKO-s do të shohi rrahjet e zemrës së fetusit. Nëse keni vetëm hemoragji dhe nuk është hapur ende serviksi keni rrezik të dështoni por shtatzania mund të vazhdojë. Por nëse bashkë me hemoragjinë keni edhe kontraksione të mitrës apo serviksi është hapur dështimi bëhet i pashmangshëm.

Si ta kurojmë?

Nëse keni shenja të një dështimi pushoni dhe mos lëvizni shumë. Largojuni marrëdhënieve seksuale. Nëse me Eko është parë se fetusi nuk po jeton më mund të prisni. Për disa javë dështimi ka për të ndodhur vetvetiu. Nëse dështimi ka filluar mund ta përshpejtoni me anë të disa ilaçeve. Nëse pas dështimit disa pjesë mund të kenë ngeluar brenda me anë të një ndërhyrjeje të lehtë mjeku mund ti nxjerri dhe ato.

Kur kthehet në gjendje normale mitra (pas adështimit) ?

Megjithëse kjo ndryshon sipas javës së shtatzanisë në të cilën ishit nga ana fizike normalizohet për disa orë. Për 4-6 javë do t”ju fillojnë përsëri menstruacionet. Nëse gjatë kësaj periudhe do të keni temperaturë, dridhje apo hemoragji masive kontaktoni menjëherë me mjekun.

Kur mund të ngel përsëri shtatzanë?

Menjëherë pas fillimit të menstruacioneve mund të ngeleni shtatzanë. Por duhet që nga ana psikologjike dhe emocionale ju dhe bashkëshorti jua të jeni të përgatitur. Mirë është që të pritet të kaloj një menstruacion. Nëse keni dështuar më shumë se një herë duhet gjetur shkaku që fshihet nën të. Por edhe nëse një shakak nuk gjendet mos u pikëlloni. Sipas satistikave 60-70% e grave që kanë patur dështim të përsëritur kanë lindur fëmijë të shëndetshëm.

                                                                                                                             Dr.Nurian Ohri

                                                                                                                         www.mjeku24.com

Rënia e flokëve tek femrat
Mëso dhe kuroi flokët e tua
www.mjeku24.com
Takikardia
Rrahja e shpejtë e zemrës
www.mjeku24.com
Dismenore
Menstruacionet e dhimbshme
www.mjeku24.com
I respektuar vizitorë! Për shkak të pyetjeve të shumta përgjigja e pyetjes tuaj do të vonojë. Mos e shkruani një pyetje dy here dhe ju lutemi të jeni të durueshëm. Ju faleminderit!
Nëse dëshironi të na ndihmoni në punën tonë. Postoje në Facebook
Kliko këtu për të bërë Pyetjen tuaj
©Mjeku24.Com - Të gjitha të drejtat i zotëron Mjeku24.Com. Ndalohet rreptëisht kopjimi dhe ribotimi. Dizenjimi dhe mirmajtja: SuperAlb.Com