Grupet e gjakut

Grupet e gjakut me kuptimin që njohim ne sot janë zbuluar rreth viteve 1940 kur është parë se jo të gjithë organizmat e të sëmurëve pranonin të njëjtin gjak. Shpesh herë ata e refuzonin atë duke u bërë shkak i një sërë reaksionesh që lindin prej këtij fenomeni. Është vënë re se në gjakun e njeriut krijohen antikorpe (antitrupa ) kundër çdo lloj antigjeni ( trup i huaj ) që nuk gjendet tek vetja. Kur ju merrni një gjak tek i cili ka qeliza që transportojnë antigjene të cilat trupi juaj nuk i njeh atëherë antitrupat tuaj do ti sulmojnë ato qeliza. Grupi juaj i gjakut ka të bëjë me atë se cilat antigjene transportojnë rruazat tuaja të kuqe. Ka katër lloj grupe gjaku A, B, AB dhe O. Çdo grup ndahet edhe në dy nën grupe Rh + dhe Rh-. Këto grupe trashëgohen prej prindërve tek fëmija. Në ditët e sotme për të shmangur problemet gjatë dhënies së gjakur kryhet analiza e gjakut mes dhënësit dhe marrësit të tij.

Grupi O mund tu japi të gjitha grupeve të tjera por nuk merr dot prej tyre veçse prej vetes (Në raste shumë urgjente kur personit që i duhet gjak nuk i dihet grupi derisa ai të vlerësohet mund ti jepni gjak O Rh-). Grupi AB mund të marrri prej të gjithëve por nuk i jep dot askujt veç vetes. Grupi A mund të marri nga A dhe O dhe mund ti japi vetëm A dhe AB. Grupi B mund të marri nga B dhe O por mund ti japi vetëm B dhe AB.
Nëse gjaku juaj është Rh(-) kjo do të thotë që transportoni një faktor (antigjen) të quajtur Rhesus. Por ju nuk mund të krijoni vetvetiu antitrupa karshi këtij antigjeni. Nëse jeni femër ky faktor ka një rëndësi të veçantë pasi kur të jeni shtatëzënë me fëmijën tuaj të parë kur të përballeni me gjak Rh+ (të bebit në bark të cilin e ka marrë p.sh prej babait që ishte dhe ai Rh+) edhe ju do të formoni këto antitrupa të cilat tek fëmija i dytë mund të shkaktojnë një reaksion shumë të rrezikshëm. Por ky problem mund të parandalohet. Konsultohuni me gjinekologun tuaj nëse duhet.

Ka dhe nën grupe të tjera gjaku por ato marrin rëndësi në raste të veçanta si p.sh transplantet.

                                                                                                                                     Dr.Nurian Ohri

                                                                                                                                 www.mjeku24.com

Post Author: Dr.Nurian Ohri

5 thoughts on “Grupet e gjakut

    Aleks

    (Dhjetor 20, 2008 - 11:48 paradite)

    Doktor
    une dhe partneri im kemi te njenjtin grup gjaku ,a mundet kjo te na krijoje probleme ,kur te vendosim per nje femije?

    Dr.Nurian Ohri

    (Dhjetor 21, 2008 - 8:41 paradite)

    I nderuar Z.Aleks!

    Nëse babai i fëmijës është ARH+ dhe nëna ARH- dhe nëse bebi merr grupin e babait pra lind AHR+ atëherë mund të ketë problem dhe kjo jo tek fëmija i parë por tek i dyti. Megjithatë gjatë shtatzanisë të gjitha nënave pa përjashtim i mësohet grupi dhe sipas asaj doktori merr masat me të cilat nuk krijohet asnjë problem.

    Me respekt Dr.Nurian Ohri

    agron

    (Shkurt 12, 2009 - 8:02 pasdite)

    pershendetje i nderuar un e kam grupin e gjakut ab- kurse gruja o + a mund te ket probleme gjat shtatzanis

    lola

    (Shkurt 13, 2009 - 2:13 pasdite)

    Doctor
    une dhe parteneri im im kemi grupin partenri im e ka AB-kurse une e kam 0+ a ka ndikim kjo tek shtatzania me respekt pres pergjegjen tuaj flm per kosideraten tuaj

    Dr.Nurian Ohri

    (Shkurt 15, 2009 - 6:39 pasdite)

    E nderuar Znj.Lola!

    Nuk ka problem megjithatë këtë gjë mund ta diskutoni edhe me mjekun gjinekolog kur të shkoni për vizitë nëse ngeleni shtatzanë.Jua vonuam pak përgjigjen pasi jemi shumë të zënë.

    Me respekt Dr.Nurian Ohri

Comments are closed.