Ulçera Peptike

Çfarë është ulçera? Ulçera është një humbje e indit të stomakut ose të duodenit (zorra 12 gishtore) për arsye të dëmtimit prej acidit të stomakut dhe lëngjeve tretëse (p.sh pepsina).

Sa është shpeshtësia? Ulçera e duodenit shfaqet më shpesh se ajo e stomakut. Është më e shpeshtë rreth moshës 30-50 vjeçare dhe 2-4 herë më shumë tek meshkujt. Ndërsa ulçera e stomakut shfaqet më shpesh tek gartë mbi moshën 60 vjeçare.

Cilat janë shenjat? Më e shpeshta prej tyre është dhimbja e sipërme e barkut (epigastrium) dhe ndjenja e djegies në këtë zonë. Zakonisht vjen midis vakteve të bukës. Mund ta ngrej të sëmurin prej gjumi (më së tepërmi tek ulçera duadenale). Më ngrënien e ushqimit dhe përdorimin e tabletave antiacid dhimbja zakonisht kalon. Në vjeshtë dhe pranverë dhimbjet shtohen. Më të pakta janë nauzeja (përzierja e stomakut )dhe të vjellat. Është tipike që kur villet dhimbjet pakësohen. Mund të ketë rënie në peshë dhe humbje të oreksit.

Cili është shkaktari? Shkaktari kryesor është një bakterie e quajtur HELICOBAKTER PYLORI ose përdorimi i disa ilaçeve si aspirina, NSAI, etj. Disa nga shkaqet e tjera janë trashëgimia, stresi, ilaçet si kortizoni, alkoli, duhani, ndotja e ambjentit.

Helicobakter pylori: Shumica e ulçerave shkaktohen nga kjo bakterie. Ulçerat duodenale pothuajse 100%. Porse meqë në disa raste megjithëse tek individi ka Helicobakter pylori por ulçera nuk shfaqet kjo të bën të mëndosh se ka dhe faktor të tjerë që ndikojnë si trashëgimia. Helicobakter pylori është shkaktare edhe e gastritit. Bile edhe e kancerit të stomakut.

Si shihet kjo bakterie? Me anë të biopsisë të marrë gjatë endoskopisë(sonda ) dhe bërjes së testit ureaz. Ose vrojtimi i saj patologjik në mikroskop ose mbjellja e saj në kultur (ambient i përshtatshëm për tu rritur). Mund të gjenden në gjak edhe antikoret (antitrupat) e formuar karshi kësaj bakterieje.( për të parë nëse dy muajt e fundit a ka patur apo jo helicobacter pylori)

Ilaçet NSAI dhe ulçera: Një nga faktorët e tjerë kryesor të ulçerës janë ilaçet si aspirina, endometacina, naprokseni pra ata kundër dhimbjes dhe kundër reumatizmës. Ky efekt i dëmshëm i tyre mund të parandalohet me ilaçe të tjera. Personat e sëmurë duhet ta informojnë doktorin se kanë ulçër kur venë për tu vizituar. Por mund të përdorni edhe ilaçe qetësuese jo të dëmshme si paracetamoli.

Komplikacionet e Ulçerës

Hemoragjia e stomakut: Një nga shkaktarët kryesor të hemoragjive (gjakderdhje) të sistemit tretës është ulçera. Këta persona vjellin një material në ngjyrë kafeje ose nxjerrin një feçes sterr të zezë. Duhet patjetër të shkojnë në urgjencë. Edhe pa këto shenja nëse djersisin djersë të ftohta dhe i bie vilani duhet të dyshojnë për hemoragji.

Shpuarja e stomakut (Perforacioni): Ndjehet një dhimbje e forte si thikë në bark e menjëhershme. Barku forcohet .Lëvizja dhe ndërrimi i pozicionit për pacientin vështirësohet. Operacioni është zgjidhja e vetme.

Bllokimi(stenoza) Sidomos ulçerat në duodenum dhe ato pranë pylorit me edemën e shkaktuar mund të çojnë në një bllokim të ushqimit. Kjo përfundon me të vjella pasi ushqimi nuk ka ku shkon. Një vjellje e vazhdueshme dhe me tepricë. Megjithëse personi ushqehet mire përsëri bie në peshë pasi ushqimet nuk thithen. Duhet operacion.

Diagnoza:Vizita e përgjithshme dhe USG-ja (EKO-JA) nuk na japin ndonjë të dhënë për ulçerën por na japin mundësinë e largimit prej disa diagnozave të tjera. Analiza më e mirë është ajo radiologjike e sidomos EUZOFAGOGASTRODUODENOSKOPIA (sonda nga goja, me anë të një tubi që përthyhet duke nisur nga goja e deri tek zorra 12 gishtore mjeku mund të shohi çdo pëllëmbë stomakun dhe duodenin duke marrë biopsi në rastë nevoje. Gjatë këtij proçesi nuk ndihet dhimbje)

Kurimi

Dieta: Së pari duhani duhet ndaluar sidomos nëse pi shumë. Duhani vonon shërimin dhe shton përsëritjen e ulçerës. Nuk duhen përdorur ilaçet që më sipër thamë që janë shkaktar. Duhet ndaluar përdorimi i alkolit pasi thyen rezistencën e mukozës mbrojtëse të stomakut. Ndërsa për një dietë fikse sipas të rejave të fundit nuk mund të flitet. Mirë është që dieta të individualizohet. Nëse i sëmuri ndihet keq nga një lloj ushqimi le ta lëj atë. Përdorimi i qumështit nuk është dhe aq i dobishëm bile ka dhe të dhëna më të fundit se piperi, turshia, yndyrnat dhe ushqimet acidike nuk janë dhe aq të dëmshme sa mendohej. Megjithatë mendimi im personal është të ruheni sa të mundeni prej këtyre lloj ushqimesh derisa të vërtetohen plotësisht këto lloj kërkimesh.

Ilaçet: Tek ulçera ashtu sikurse edhe tek sëmundja e reflusë përdoren ose bllokuesit e receptorit H2 (Ranitidin, Famotidin etj.) ose inhibitorët e pompës së protonit ( Omeprazol, Lansoprazol etj.) duke bllokuar kështu prodhimin e tepërt të acidit në stomak. Nëse tek i sëmuri është vënë re Helicobakter pylori duhet përdorur bashkë me ilaçet që pengojnë aciditetin edhe antibiotikët (amoksicilin dhe klaritromicin apo metronidazol)

Kur është i nevojshëm operacioni? Pjesa më e madhe e ulçerave shërohet me ilaçe por në rastet kur ilaçet nuk bëjnë dobi, në raste e shpuarje të stomakut, bllokim dhe hemoragjie pra komplikacionesh duhet ndërhyrë kirurgjikisht.

                                                                                                                            Dr.Nurian Ohri

                                                                                                                       www.mjeku24.com

Post Author: Dr.Nurian Ohri

12 thoughts on “Ulçera Peptike

    Ina

    (Shtator 25, 2008 - 2:33 pasdite)

    Pershendetje dhe urime per Revisten, sepse qenka shume interesante.Kam disa shqetesime qe them se hyjne ne kete faqe.
    Jam 23 vjece dhe qe e vogel kam vuajtur nga koliti,pergjithesisht dal jasht rrall por gjeja qe me shqeteson dhe bezdis me shume eshte se kam dhimbje ne pjesen fundore te kolonit.Keto dhimbje me ndodhin gjithmon gjate nates ne mes te gjumit dhe me zgjasin 5 – 10 minuta, jane dhimbje te forta por jo te pa perballueshme, dhe jane si pulsuese.Se di nese futen dhe keto te dhimbjet e kolitit.Por problemi im eshte se kam sh frike te vizitohem, dhe nuk e di se cfare lloj vizite duhet bere ne kete rast.
    Do ju falenderoja sh nese me ktheni nje pergjigje.
    Gjithe te mirat.

    Dr.Nurian Ohri

    (Shtator 28, 2008 - 4:43 pasdite)

    E nderuar znj.Ina!

    Problemi juaj mund të jetë i lidhur me kolitin por për një diferencë në diagnozë dhe për ti dhënë një shpjegim të mirëfilltë këtij shqetësimi mirë është të bëni një vizitë ose tek një gastroenterolog ose tek një kirurg i përgjithshëm. Mos u bëni merak. Tani për shumë sëmundje apo probleme ka zgjidhje dhe mjaft të lehta.Vizita përfshin një bisedë me mjekun rreth ankesave dhe rrjedhës së tyre e deri tek shikimi me aparaturë. Nevojën e tyre e vlerëson mjeku që ju viziton.

    Me respekt Dr.Nurian Ohri

    adi

    (Nëntor 14, 2008 - 12:58 paradite)

    teme shume interesante per mua.
    i nderuar doktor nurian kam disa vite qe e vuaj here pas here dhimbjen e stomakut dhe sipas nje doktori kam Gastrit akut{kam dhimbje ne pjesen e siperme te barkut dhe raste te rralla nje si te vjelle ne forme uji} kam provuar disa ilace si :ranital dhe dicka tjeter mirepo per nje kohe sikur u zhduken dhimbjet por here pas here rikthehen.

    Dr.Nurian Ohri

    (Nëntor 14, 2008 - 4:12 pasdite)

    I nderuar Z.Adi!

    Në lidhje me pyetjen tuaj mund të lexoni edhe artikullin me titull gastriti tek rubrika e gastroenterologjisë.Gjithashtu nuk e di a keni diegje të gjoksit herë pas here.Kujdesuni për dietën.Nëse shqetësimet vazhdojnë përsëri kontaktoni me mjeun tuaj për arsye se mund të duhet përsëri ilaç ose mund të duhet të shikohet nëse keni infeksion apo jo.Mirë është edhe një vizitë tjetër por kujdesni ushqimet dhe nëse keni diegje në gjoks flini me jastëk pak të ngritur.

    Me respekt Dr.Nurian Ohri

    adi

    (Nëntor 17, 2008 - 5:48 pasdite)

    I nderuar Dr: Nurian
    faleminderit per pergjigjjen e shpejte
    atehere diegje në gjoks nuk kam dhe gjumin ne pergjithesi e bej me jastek shume te ulet ose pa jastek fare.
    sa per vizite perseri tek ndonje doktor … ndoshta por duhet me nderru doktor besoj se doktori aktual eshte {pa ofendime} i vjeter dhe mendoj se nuk ja ka idene edhe aq shume rreth te rejave te stomakut.gjithsesi nese ju dini ndonje ilac me te mire se ranital mund te ma rekomandoni.
    Faleminderit

    Dr.Nurian Ohri

    (Nëntor 19, 2008 - 8:57 pasdite)

    I nderuar Z.Adi!

    Mirë është që nëse shqetësimet nuk ju kanë kaluar të kontaktoni me një mjek tjetër i cili do ta vlerësojë edhe një herë gjendjen tuaj dhe nëse nevojitet tju bëj një sondë.P.sh nëse mjeku mendon për një infeksion duhen përdorur edhe natibiotik por këto të më kuptoni nuk është mirë ti jap unë nëpërmjet internetit sepse nuk ju kam parë dhe vizituar.Por ilaçe ka shumë mos kini merak.Kini kujdes dhe dietën që përmendet në artikujt e gastroenterologjisë në faqen tonë.

    Me respekt Dr.Nurian Ohri

    fevzie

    (Nëntor 29, 2008 - 4:09 pasdite)

    më par ju përshëndes nga zemra
    une në lukth kam dridhje dhimbje dhe lodhje sa që më kputen kambet e smunda me ece e deshta me ju pyet per këtë ?
    ka disa dite qe nuk munda me dal per nevoj te madhe gati 1jave
    por me forcohet barku shpeshher
    kam bërë inqizimin e lukthit gasteroskopin dhe më ka dal 1 i that dhe kallje lukthi a ka shërim???

    Dr.Nurian Ohri

    (Nëntor 30, 2008 - 3:46 pasdite)

    E nderuar Znj.Fevzie!

    Do të ishte mirë të na kishit shkruajtur konkretisht dhe latinisht at që ka shkruajtur mjeku në raportin e endoskopisë.Por me sa kuptuam nuk është ndonjë gjë për tu shqetësuar.Por duhet kuruar.Besaojmë se mjeku ju ka dhënë ilaçet e duhura.Për këshilla më tepër mun dtë lexoni artikullin në fjalë.

    Me respekt Dr.Nurian Ohri

    valoni

    (Janar 31, 2009 - 3:50 paradite)

    ju pershendes doktor kam nje problem me nevoj te madhe kam dhimbje barku shum dhe kur e kry nevojen e madhe nga posht me del nje sop mishi jasht dhe kam shum dhimbje ne ato momente ajo prap hyn mrena po dhimbjet nuk pushojn fare kam qen te mjeku me ka then se e kam nga unazat e shpines se kam problem edhe me unazen e4 dhe5 ne anen e majt me ka then kam qen te gjdo mjek po kot jam 30 vjeqar te lutem me trego qfar teboj edhe pare shum kisha me dhan vetem me usheru edhe barku me dhem vetem na anen e majt pres pergjije ju lutem ju pershendes

    shega

    (Shkurt 2, 2009 - 8:03 paradite)

    me nderime doktor ,jam 35 vjeqare ka qe disa her ne ket vit naten kam dhimbje nga ana e majt ne bri,kur kthehen ne kraun e tjeter,shum dhimbje e fort asht por kur levizi mandej me kalon,e nesrit me dhemb prap,me k then nje mjek prej lukthit,kam pi disa barna omaprazol,me ndimojn
    po kajer prap me paraqitet,ju lutem me trego qka te perdori dhe si sheroet.me rrespekt ju faleminderit

    Petrit

    (Shkurt 12, 2009 - 12:15 paradite)

    I nderuaru dr.Nurian

    Jam 26 vjeçar,por nuk pyes per veten ,por kam nje pyetje per vellaun tim i cili eshte 30 vjeçar…
    Problemi eshte keshtu : Ai pi alkool pa kontroll, me vite pi po tham nja 10 vite rregullisht cdo nate pi alkool , mirepo koheve te fundit kemi verejtur nje deformim ne fytur ku ka nis edhe t’i dalin ca puqerra te kuqe e te vogla per rrheth hundes , ne ditet e para ishin pak mirepo dita dites vin e duke u shtuar me shume tani jo per rreth hundes po ne gjith fytyren , ju kisha lutur se paku te me tregoni se qfare jane ato simptone a ka probleme me melqin apo me lukth ? si dhe a paraqesin rrezik per jete ? dhe a ka mjekim ?

    ju lutem me ndihmoni …!

    Dr.Nurian Ohri

    (Shkurt 16, 2009 - 9:24 pasdite)

    I nderuar Z.Petrit!

    Për të parë se nga vijnë këto shqetësime duhet të bëni një vizitë tek mjeku për ta parë nga afër gjendjen dhe të bëjë analizat e nevojshme.Nëpërmjet internetit e kemi të vështirë.

    Me respekt Dr.Nurian Ohri

Comments are closed.